Isaiah 32
INkosi elungileyo
1Khangela, inkosi izabusa ngokulunga a, leziphathamandla zibuse ngesahlulelo. 2Lomuntu uzakuba njengendawo yokucatshela umoya lesivikelo kuzulu lesiphepho b; njengemifula yamanzi endaweni eyomileyo c, njengomthunzi d wedwala elikhulu elizweni elomileyo e. 3Lamehlo f alabo ababonayo kawayikufiphala, lezindlebe g zalabo abezwayo zizalalela. 4Lenhliziyo yabalamawala izaqedisisa ulwazi, lolimi lwabagagasayo h luzaphangisa ukukhuluma ngokucaca. 5Isithutha kasisayikubizwa ngokuthi sihloniphekile, loncitshanayo angathiwa uyaphana. 6Ngoba isithutha sikhuluma ubuthutha, lenhliziyo yaso isebenze okubi, ukwenza ubuzenzisi, lokukhuluma okuphambeneyo ngeNkosi, ukwenza umphefumulo wolambileyo ube ze, senze kusweleke okunathwayo kowomileyo. 7Izikhali zoncitshanayo lazo zimbi; yena uceba amacebo akhohlakeleyo ukuze achithe abayanga i ngamazwi amanga, lanxa oswelayo ekhuluma okulungileyo. 8Kodwa ohloniphekayo uceba izinto ezihloniphekayo j; langezinto ezihloniphekayo yena uzakuma.Ukuxwayiswa kwabesifazana beJerusalema
9Vukani, besifazana abonwabileyo k, lizwe ilizwi lami; madodakazi avikelekileyo, bekani indlebe ekukhulumeni kwami. 10Izinsuku ezedlula umnyaka lizathuthumela, besifazana abavikelekileyo, ngoba ukuvunwa kwevini kuzaphela, ukubutha kakuyikufika. 11Thuthumelani, besifazana abonwabileyo l, liqhuqhe, bavikelekileyo; khululani, lizinqunule m, libhince amasaka enkalweni n. 12Bazakhalela amabele okumunya, amasimu amahle, ivini elithelayo o. 13Phezu komhlabathi wabantu bami kuzakhula ameva lokhula oluhlabayo p; yebo, phezu kwezindlu zonke zenjabulo, emzini wentokozo q. 14Ngoba isigodlo sizadelwa r, inengi lomuzi lizatshiywa; inqaba lemiphotshongo s kuzakuba yimihome kuze kube phakade, intokozo yabobabhemi beganga, lamadlelo emihlambi t; 15aze athululelwe phezu kwethu uMoya u evela phezulu, lenkangala v ibe yinsimu ethelayo, lensimu ethelayo ithiwe lihlathi w. 16Khona isahlulelo sizahlala enkangala, lokulunga kuhlale ensimini ethelayo x. 17Lomsebenzi wokulunga y uzakuba yikuthula z, lokwenza kokulunga aa kube yikuthula lokuqinisekiswa kuze kube nininini. 18Labantu bami bazahlala endaweni yokuhlala elokuthula, lezindaweni zokuhlala ezivikelekileyo, lezindaweni zokuphumula ezonwabileyo ab. 19Kodwa lizakuna ngesiqhotho ac ekwehleni ad kwehlathi ae, lomuzi uzathotshiswa endaweni ephansi. 20Libusisiwe lina elihlanyela ngasemanzini wonke af, lithumezela ag lapho inyawo zezinkabi labobabhemi ah.
Copyright information for
Ndebele